🎉 HERI YA MWAKA MPYA 2025! 🎉
Ndugu wazazi na walezi,
Tunapoukaribisha mwaka huu mpya wa 2025, tunatoa shukrani za dhati kwa ushirikiano wenu wa kipekee katika kufanikisha maendeleo ya wanafunzi wetu na shule kwa ujumla. Ustawi wa shule yetu hauwezi kufanikishwa bila juhudi na moyo wa upendo mnaoonesha kwa watoto wetu.
Mwaka uliopita umekuwa wa neema na changamoto, lakini kwa msaada wenu, walimu wetu na uongozi wa shule tumepiga hatua kubwa katika kuhakikisha elimu bora na maadili mema kwa vijana wetu.
Kwa mwaka huu mpya, tumeazimia kuimarisha zaidi mafanikio yetu kwa kuboresha mazingira ya kujifunzia, kuinua kiwango cha taaluma, na kuhakikisha kila mwanafunzi anapata nafasi ya kutimiza ndoto zake. Tunaamini kwamba kwa pamoja, tunaweza kuandaa kizazi cha viongozi wa kesho walio na maadili mema na maarifa bora.
Kwa niaba ya walimu, wafanyakazi, na wanafunzi wa Shule ya Sekondari Nyangao, nawapongeza kwa kufika mwaka 2025 na kuwatakia kila la heri, afya njema, na mafanikio katika familia zenu na shughuli mnazozifanya.
Tuendelee kushirikiana kwa karibu kwa manufaa ya watoto wetu.
Heri ya Mwaka Mpya 2025!
Nyangao High School
"The future Begins Here"
0 Comments:
Post a Comment